المقادير:
250 غرام زبدة العبار
140 غرام سكر كلاصي
150 بيستاش مطحون مزيان
ملعقة كبيرة نشا
معلقة صغيرة روح ديال البيستاش
رشة ملح
الدقيق حسب الخليط
للزينة:
500غرام عجين سكر أو عجين اللوز
ملون أخضر
100غرام كوك
شوية ديال الحليب المركز المحلى
50غرام عقيق ملون
الطريقة:
بطراب كهربائي نطربوا الزبدة مزيااااان حتى تولي مهوية و نزيدوا عليها السكر كلاص و نكملوا التطراب حتى تبياض شوية و نزيدوا عليها الروح ديال البيستاش
نغربلوا 300غرام دقيق و نخلطوه بالبيستاش و الملح و نزيدوه على الخليط السابق.
نعجنوا العجينة ديالنا و نضيفوا الدقيق حتى نجمعوا العجين ديالنا.
نقسموا العجين ديالنا من 2 و نورقوا كل كرة بين 2 ورقات سيلفيريزي بسمك 4ملمتر تقريبا.
نوضعوا العجين في الطاوة بالورق ديالو و ندخلوه للثلاجة واحد 30 دقيقة.
من بعد مانخرجوهم نقطعوا العجين على شكل مربعات و نديروهم في طاوة سبق لينا فرشنا فيها ورق السيلفيريزي و نرجعوهم للثلاجة مدة 30 دقيقة أخرى
نسخنوا الفرن على 170° و ندخلوا الحلوة ديالتنا تطيب بلا ماتتحمر.
الزينة:
نلونوا 400غرام من عجين السكر بالملون الأخضر و نحتفظوا بيه.
نديروا الكوك في بلاستيكة و نديروا عليه قطيرات من الملون الأخضر و نحكوه مزيان حتى يتلون.
ناخذوا الصابلي ديالنا ندهنوا النصف ديالوا بالحليب المركز المحلى و نرشوا عليه الكوك.
نورقوا عجين السكر الأخضر بمساعدة شوية السكر كلاص و نقطعوه بنفس القطاعة المربعة اللي قطعنا بيها الصابلي، ندهنوا النصف الآخر من الصابلي بالحليب المركز المحلى و نلصقوا المربع و نطويوه على راسوا (شوفوا الصورة وغادين تفهموا أحسن)
نورقوا عجين السكر الأبيض و نقطعوا منو وريدات نديروهم في الزاوية ديال المربع و نثبتوها بعقيقة.
نخليو الصابلي ديالنا حتى ينشف مزيان عاد نخبيوه و بالصحة و الراحة.
هنا يمكن ان تضعي تعريف خاص بكهنا يمكن ان تضعي تعريف خاص بكهنا يمكن ان تضعي تعريف خاص بكهنا يمكن ان تضعي تعريف خاص بكهنا يمكن ان تضعي تعريف خاص بك
محول الأكوادمحول الأكواد الإبتساماتالإبتسامات